അശമന്നൂർ
ഗ്രാമ പഞ്ചായത്ത്

എറണാകുളം ജില്ലയിലെ കുന്നത്തുനാട് താലൂക്കിൽ കൂവപ്പടി ബ്ലോക്കിൽ അശമന്നൂർ വില്ലേജ് പരിധിയിൽ വരുന്ന ഗ്രാമപഞ്ചായത്താണ് അശമന്നൂർ ഗ്രാമപഞ്ചായത്ത്. 21.27 ചതുരശ്ര കിലോമീറ്റർ വിസ്തീർണ്ണമുള്ള പഞ്ചായത്തിന്റെ അതിരുകൾ വടക്ക് വേങ്ങൂർ, കോട്ടപ്പടി, രായമംഗലം, മുടക്കുഴ പഞ്ചായത്തുകൾ തെക്ക് പായിപ്ര, രായമംഗലം, നെല്ലിക്കുഴി പഞ്ചായത്തുകൾ പടിഞ്ഞാറ് രായമംഗലം പഞ്ചായത്ത്, കിഴക്ക് നെല്ലിക്കുഴി, കോട്ടപ്പടി പഞ്ചായത്തുകൾ എന്നിവയാണ്. 1953-ൽ ആറ് വാർഡുകളും 7 മെമ്പർമാരുമായി അശമന്നൂർ പഞ്ചായത്ത് നിലവിൽ വന്നു. ഒന്നാമത്തെ പ്രസിഡന്റ് ശ്രീ കെ.കേശവ പിഷാരടി ആയിരുന്നു. അശമന്നൂർ പഞ്ചായത്ത് ഒരു കാലത്ത് ജൈനമതവിശ്വാസികളുടെ ആവാസകേന്ദ്രമായിരുന്നു. അവരുടെ സംസ്കാരങ്ങളും പാരമ്പര്യങ്ങളും ഈ പ്രദേശത്തെ സാംസ്കാരിക പാരമ്പര്യത്തിൽ നിർണ്ണായക സ്വാധീനം ചെലുത്തിയിട്ടുണ്ട്.