അശമന്നൂർ
ഗ്രാമ പഞ്ചായത്ത്

അശമന്നൂർ ഗ്രാമപഞ്ചായത്തിന്റെ ഭരണനിർവ്വഹണം കൂടുതൽ കാര്യക്ഷമമാക്കുന്നതിനും വിവിധ പദ്ധതികൾ കൃത്യമായി നടപ്പിലാക്കുന്നതിനും ഭരണസമിതി അംഗങ്ങൾ ഉൾപ്പെടുന്ന നാല് പ്രധാന സ്ഥിരം സമിതികളാണ് പ്രവർത്തിക്കുന്നത്. കേരള പഞ്ചായത്തീരാജ് നിയമപ്രകാരം ധനകാര്യം, വികസനം, ക്ഷേമകാര്യം, ആരോഗ്യ വിദ്യാഭ്യാസം എന്നീ സമിതികളാണുള്ളത്. ഇതിൽ പഞ്ചായത്തിന്റെ സാമ്പത്തികം, ബജറ്റ്, നികുതി, പൊതുഭരണം എന്നീ വിഷയങ്ങൾ കൈകാര്യം ചെയ്യുന്ന ധനകാര്യ സ്ഥിരം സമിതിയുടെ അധ്യക്ഷൻ (ചെയർമാൻ) എപ്പോഴും ഗ്രാമപഞ്ചായത്ത് വൈസ് പ്രസിഡന്റായിരിക്കും. കൃഷി, മൃഗസംരക്ഷണം, പൊതുമരാമത്ത് പണികൾ തുടങ്ങിയവയുടെ നിർവ്വഹണവും മേൽനോട്ടവും വികസന സ്ഥിരം സമിതിയും; വിദ്യാഭ്യാസം, ആരോഗ്യം, ദാരിദ്ര്യ നിർമ്മാർജ്ജനം, സാമൂഹ്യക്ഷേമം, വനിതാ-ശിശു വികസനം തുടങ്ങിയ വിഷയങ്ങൾ ക്ഷേമകാര്യ സ്ഥിരം സമിതിയും പഞ്ചായത്തിലെ പൊതുജനങ്ങളുടെ ആരോഗ്യം വിദ്യാഭ്യാസം എന്നിവയുടെ നിർവ്വഹണ മേൽനോട്ടം ആരോഗ്യ വിദ്യാഭ്യാസ സ്ഥിരം സമിതിയുമാണ് കൈകാര്യം ചെയ്യുന്നത്. ഗ്രാമപഞ്ചായത്ത് പ്രസിഡന്റിന്റെ പൊതുവായ ഏകോപനത്തിൽ പ്രവർത്തിക്കുന്ന ഈ സമിതികൾ, അതാതു മേഖലകളിലെ പ്രശ്നങ്ങൾ സൂക്ഷ്മമായി പഠിക്കുകയും വികസന പദ്ധതികൾ തയ്യാറാക്കി ഭരണസമിതിക്ക് ആവശ്യമായ തീരുമാനങ്ങളെടുക്കാൻ ശുപാർശകൾ നൽകുകയും ചെയ്തുകൊണ്ട് അശമന്നൂർ പഞ്ചായത്തിന്റെ സമഗ്ര പുരോഗതിയിൽ സുപ്രധാന പങ്കുവഹിക്കുന്നു.