അശമന്നൂർ
ഗ്രാമ പഞ്ചായത്ത്

തദ്ദേശ സ്വയംഭരണ സ്ഥാപനങ്ങളുമായി (പഞ്ചായത്ത്/മുനിസിപ്പാലിറ്റി/കോർപ്പറേഷൻ) ബന്ധപ്പെട്ട പൊതുജനങ്ങളുടെ പരാതികൾ വേഗത്തിലും സുതാര്യമായും പരിഹരിക്കുന്നതിനായി വിപുലമായ സംവിധാനങ്ങളാണ് ഒരുക്കിയിട്ടുള്ളത്. തദ്ദേശ സ്ഥാപനങ്ങളിൽ നേരിട്ട് നൽകുന്ന പരാതികൾക്ക് പുറമെ, ഓൺലൈൻ മുഖേനയും അടിയന്തര പരിഹാരത്തിന് മാർഗ്ഗങ്ങളുണ്ട്. സംസ്ഥാന സർക്കാരിന്റെ വിവിധ പോർട്ടലുകൾ വഴി പൊതുജനങ്ങൾക്ക് വീട്ടിലിരുന്ന് തന്നെ പരാതികൾ സമർപ്പിക്കാനും അവയുടെ പുരോഗതി ട്രാക്ക് ചെയ്യാനും സാധിക്കും. കൂടാതെ, അഴിമതിയും സേവനങ്ങളിലെ കാലതാമസവും തടയുന്നതിനായി തദ്ദേശ സ്വയംഭരണ ഒംബുഡ്സ്മാൻ, ട്രിബ്യൂണൽ എന്നിവയും പ്രത്യേകമായി പ്രവർത്തിക്കുന്നുണ്ട്. മുഖ്യമന്ത്രിയുടെ ജനസമ്പർക്ക പരിപാടികൾ, തദ്ദേശ വകുപ്പ് മന്ത്രിയുടെ അദാലത്തുകൾ എന്നിവയും ജനങ്ങളുടെ പ്രശ്നങ്ങൾക്ക് സമയബന്ധിതമായി പരിഹാരം കാണാൻ സഹായിക്കുന്നു.